பாதுகாப்பு பிரச்னைகள் காரணமாக சீனாவுக்கு பயணம்செய்ய விரும்பும் வெளிநாட்டினர் அந்நாட்டுக்குள் நுழைவதற்குமுன் விமான நிலையத்தில் தங்கள் கைரேகைகளை பதிவு செய்ய வேண்டுமென்று அந்நாட்டின் பொது பாதுகாப்புத் துறை அறிவித்துள்ளது. இது தொடர்பாக, சீன அரசின்
பாதுகாப்புத் துறை முக்கிய அறிவிப்பு ஒன்றை வெளியிட்டுள்ளது. இந்த வருடம் முழுவதும், சீனாவுக்குள் நுழைபவர்கள் மற்றும் வெளியே செல்பவர்கள் குறித்த விபரங்களை பதிவுசெய்யும் துறைகளில் இனி கைரேகை பதிவுகளும் நடைபெறும் என்று அறிவிக்கப்பட்டுள்ளது. தூதரகரீதியிலான பாஸ்போர்ட் பெற்றுள்ளவர்கள் மற்றும் பரஸ்பர ஒப்பந்தங்கள் செய்யப்பட்டுள்ளவர்களுக்கு மட்டும் இந்தக் கட்டாயத்திலிருந்து விலக்கு அளிக்கப்பட்டுள்ளது. இந்த நடைமுறையானது முதன்முறையாக வரும் வெள்ளிக்கிழமையிலிருந்து ஷென்ஸென் விமான நிலையத்தில் அமல் செய்யப்படவுள்ளது. இந்தத் தகவலை சின்ஹுவா செய்தி நிறுவனம் வெளியிட்டுள்ளது. பல வருடங்களுக்குமுன்னரே இதேபோன்ற பாதுகாப்பு பிரச்னைகளுக்கு அமெரிக்கா, இங்கிலாந்து, கனடா போன்ற நாடுகள் தங்களது நாட்டுக்குள் புதிதாக நுழைபவர்களுக்கு கைரேகையை பதிவு செய்யும் முறையை நடைமுறைப்படுத்தியுள்ளதும் குறிப்பிடத்தக்கது.
பாதுகாப்புத் துறை முக்கிய அறிவிப்பு ஒன்றை வெளியிட்டுள்ளது. இந்த வருடம் முழுவதும், சீனாவுக்குள் நுழைபவர்கள் மற்றும் வெளியே செல்பவர்கள் குறித்த விபரங்களை பதிவுசெய்யும் துறைகளில் இனி கைரேகை பதிவுகளும் நடைபெறும் என்று அறிவிக்கப்பட்டுள்ளது. தூதரகரீதியிலான பாஸ்போர்ட் பெற்றுள்ளவர்கள் மற்றும் பரஸ்பர ஒப்பந்தங்கள் செய்யப்பட்டுள்ளவர்களுக்கு மட்டும் இந்தக் கட்டாயத்திலிருந்து விலக்கு அளிக்கப்பட்டுள்ளது. இந்த நடைமுறையானது முதன்முறையாக வரும் வெள்ளிக்கிழமையிலிருந்து ஷென்ஸென் விமான நிலையத்தில் அமல் செய்யப்படவுள்ளது. இந்தத் தகவலை சின்ஹுவா செய்தி நிறுவனம் வெளியிட்டுள்ளது. பல வருடங்களுக்குமுன்னரே இதேபோன்ற பாதுகாப்பு பிரச்னைகளுக்கு அமெரிக்கா, இங்கிலாந்து, கனடா போன்ற நாடுகள் தங்களது நாட்டுக்குள் புதிதாக நுழைபவர்களுக்கு கைரேகையை பதிவு செய்யும் முறையை நடைமுறைப்படுத்தியுள்ளதும் குறிப்பிடத்தக்கது.
