கபீர் புரஸ்கார் விருது என்பது தமிழ்நாடு அரசால் சமுதாய மற்றும் வகுப்பு நல்லிணக்கத்துக்காக வழங்கப்படும் ஒரு விருதாகும். ஒரு சாதி, இனம், வகுப்பை சேர்ந்தவர்கள் பிற சாதி, இன வகுப்பை சேர்ந்தவர்களையோ அல்லது அவர்களின் உடைமைகளையோ வகுப்பு கலவரத்தின் போதோ அல்லது தொடரும் வன்முறையிலோ காப்பாற்றுவோரின் உடல் மற்றும் மனவலிமையைப் பாராட்டும் வகையில் ஆண்டுதோறும் வழங்கப்பட்டு வருகிறது. இந்த விருது மூன்று பேருக்கு, மூன்று
நிலைகளில் வழங்கப்படுகிறது. இந்திய ரூபாயில் முதலாம் நிலையில் 20,000, இரண்டாம் நிலையில் 10,000, மூன்றாம் நிலையில் 5,000 என இதற்கான பரிசுத்தொகை அளிக்கப்படுகிறது.
