படிக்கும் வயதில் குற்ற சம்பவங்களில் மாணவர்கள் ஈடுபடக்கூடாது"

படிக்கும் வயதில் குற்ற சம்பவங்களில் மாணவர்கள் ஈடுபடக்கூடாது, என வால்பாறை டி.எஸ்.பி., சக்திவேல் கூறினார்.பாரதியார் பல்கலைக்கழக கலை மற்றும் அறிவியில் கல்லூரியில் சட்டம் மற்றும் பாதுகாப்பு குறித்து விழிப்புணர்வு கருத்தரங்கு நடந்தது.


கருத்தரங்கில் வால்பாறை டி.எஸ்.பி.,சக்திவேல் பேசியதாவது: படிக்கும் வயதில் தவறான செயல்களில் மாணவர்கள் ஈடுபடக்கூடாது. பெற்றோர் படும் கஷ்டத்தை உணர்ந்து படித்து வாழ்க்கையில் முன்னேற வேண்டும். மாணவர்கள் ஒரு போதும் போதைப் பொருளுக்கு அடிமையாகக்கூடாது. வாழ்க்கையில் நீங்கள் செய்யும் ஒவ்வொரு தவறும் உங்கள் பெற்றோர்களை பாதிக்கும் என்பதை உணர வேண்டும்.

படிக்கும் வயதில் குற்ற சம்பவங்களிலும், வன்முறையிலும் மாணவர்கள் ஈடுபடக்கூடாது. இவ்வாறு அவர் பேசினார்.