தகவல் ஆணையராக நியமிக்க வேண்டும் !

ஐகோர்ட்டில், மனோகரன், ஆறுமுகநயினார் ஆகியோர் வழக்கு ஒன்றை தாக்கல் செய்தனர். அதில், தங்களை தமிழ்நாடு தகவல் ஆணையத்தின் ஆணையாளராக தமிழக அரசு கடந்த 2011–ம் ஆண்டு நியமித்து அரசாணை பிறப்பித்தது. இந்த அரசாணையின்படி, எங்களை ஆணையாளராக நியமிக்க அரசுக்கு உத்தரவிட வேண்டும் என்று கூறியிருந்தனர்.


இந்த மனு தலைமை நீதிபதி சஞ்சய் கிஷன் கவுல், நீதிபதி எம்.எம்.சுந்தரேஷ் ஆகியோர் முன்பு நேற்று விசாரணைக்கு வந்தது. அப்போது, அட்வகேட் ஜெனரல் ஏ.எல்.சோமயாஜி ஆஜராகி, 2011–ம் ஆண்டு மனுதாரர்களை ஆணையாளராக நியமித்து பிறப்பிக்கப்பட்ட அரசாணையை தமிழக அரசு திரும்பப் பெற்று விட்டது. அதுதொடர்பான அரசாணை கடந்த 9–ந் தேதி (நேற்று முன்தினம்) பிறப்பிக்கப்பட்டுள்ளது என்று கூறினார்.

பின்னர் அந்த அரசாணையை கோர்ட்டில் தாக்கல் செய்தார்.

இதையடுத்து, வழக்கை தள்ளுபடி செய்த நீதிபதிகள், புதிய அரசாணையை எதிர்த்து சட்டப்படி மனுதாரர்கள் புதிய வழக்கு தொடரலாம் என்று உத்தரவிட்டுள்ளனர்.