வரியை அறிய இணைய தளத்தில் வசதி: வருமான வரித் துறை அறிமுகம்.

வருமான வரி செலுத்துவோர் தங்களது வரித் தொகையை கணக்கிட்டு அறியும் வசதியை வருமான வரித் துறை அறிமுகம் செய்துள்ளது. www.incometaxindia.gov.in என்ற இணைய தளத்தில் இதற்கான தனியிடம் ஏற்படுத்தப்பட்டுள்ளதாக டெல்லியில் மத்திய நேரடி வரிகள் வாரிய அதிகாரிகள் சிலர் தெரிவித்தனர். தனிநபர்கள், நிறுவனங்கள், வர்த்தகர்கள் என அனைத்து பிரிவினரும், தங்கள் வருமானம்மற்றும் முதலீடுகள் குறித்த விவரங்களை இதில் பதிவு செய்து வரி எவ்வளவு என்பதை அறியலாம் என அவர்கள் கூறினர்.எனினும், விரைவாக தங்களது உத்தேச வரித் தொகையை அறிய உதவும் இந்த வசதி, முற்றிலும் துல்லியமாக இருக்கும் எனக் கூற இயலாது என்றும் அதிகாரிகள் தெரிவித்தனர்.