பிரேசிலின் ரியோ டீ ஜெனிரோ நகரில் ஒலிம்பிக் போட்டிகள் நடைபெற்று வருகின்றன. இதில் மகளிர்
பேட்மிண்டன் ஒற்றையர் போட்டியில் இந்தியாவின் சிந்து கால்இறுதியில் உலகின் 2-ம் நிலை வீராங்கனையான சீனாவின் வாங் யுஹானை வீழ்த்தி அரை இறுதிக்குள் நுழைந்தார்.
இன்று இரவு நடைபெற்ற அரை இறுதியில் அவர் தர வரிசை பட்டியலில் 6-ம் இடத்தில் உள்ள ஜப்பானின் நோஜோமி ஒகுஹராவுடன் மோதினார்.
விறுவிறுப்பாக நடைபெற்ற இந்த போட்டியில் 21-19, 21-10 என்ற கணக்கில் வெற்றி பெற்ற சிந்து இறுதி போட்டியில் நுழைந்தார்.

இந்த வெற்றியின் மூலம் ஒலிம்பிக் பேட்மின்டனில் இறுதிப்போட்டிக்குள் நுழைந்த முதல் இந்தியர் என்ற வரலாற்று பெருமையை சிந்து பெற்றுள்ளார்.
கடந்த 2012-ஆம் ஆண்டு லண்டனில் நடைபெற்ற ஒலிம்பிக்கில் இந்தியாவின் சாய்னா நேவால் வெண்கல பதக்கம் பெற்றார் என்பது குறிப்பிடத்தக்கது.
