என்னை முதல்வர் பதவியில் இருந்து விரட்டுவதற்கு, சசிகலாவும் அவரது குடும்பத்தினரும், மிகப் பெரிய சதியை அரங்கேற்றினர் என, முதல்வர் ஓ.பன்னீர்செல்வம் குற்றம்சாட்டினார்.
*இது குறித்து தினமலர் இணையதளத்திற்கு அவர் அளித்த சிறப்புப் பேட்டி:*
*ஜெயலலிதா சிகிச்சையில் இருக்கும்போதே, நீங்கள்தான் கட்சியையும்; ஆட்சியையும் காப்பாற்ற வேண்டும் என்று, சசிகலா தரப்புத்தான் உங்களை கேட்டுக் கொண்டது என்று சொல்கிறீர்கள். பிறகெதெற்கு உங்களுக்கு எதிராக அவர்கள் செயல்பட வேண்டும்?*
இதில் தான் மிகப் பெரிய சதி உள்ளது என, நான் குற்றம்சாட்டுகிறேன். முதல்வர் பதவி அல்ல; எந்தப் பதவிக்கும் ஆசைப்படுகிறவன் நானல்ல. கொடுக்கும் பொறுப்பை மிகச் சிறப்பாக செய்து கொடுக்க வேண்டும் என்ற திடமான நம்பிக்கையும்; மன உறுதியும் உள்ளவன். அந்த வகையில், முதல்வராக இருந்த ஜெயலலிதா இட்டப் பணிகளையெல்லாம் நான் மிகச் சிறப்பாக செய்து முடித்திருப்பது, அவருக்கு நன்கு தெரியும். அந்த வகையில், நான் எப்படி செயல்படுவேன் என்பது சசிகலாவுக்கும்; அவரது குடும்ப உறுப்பினர்களுக்கும் நன்கு தெரியும்.
அதனால்தான், ஜெயலலிதா இறந்து போவார் என்று தெரிந்து கொண்ட சூழலில், என்னை முதல்வராக ஆக்க வேண்டும் என்றும், கட்சியின் அவைத் தலைவர் மதுசூதனனை, பொதுச் செயலர் ஆக்க வேண்டும் என்றும் விருப்பபப்பட்டு என்னிடம் தெரிவித்தனர். மதுசூதனனை, கட்சியின் பொதுச் செயலர் ஆக்குவதற்கு நான் விரும்பவில்லை. அதை அவர்களிடம் தெரிவித்தேன். அதன்பின், அவர்களும் அதை செய்யவில்லை; வலியுறுத்தவில்லை.
என்னை நிர்பந்தப்படுத்தித்தான், ஜெயலலிதா இறந்த பின், என்னை முதல்வர் ஆக்கினர். நான் முதல்வர் பதவி ஏற்றதும், தமிழகத்தில், ஜெயலலிதாவால் ஏற்பட்ட ஆட்சி மூலம், சிறப்பான நிர்வாகத்தை அளிப்பதன் மூலம், இறந்து போனாலும், அவரது ஆன்மா சிறப்படையும்; மக்கள் மத்தியில் ஜெயலலிதா புகழ் ஓங்கி நிற்கும் என நினைத்தேன். அதற்காக, முடிந்த மட்டும் மிகச் சிறப்பான ஆட்சியை தமிழகத்திற்கு அளிக்க வேண்டும் என்று விரும்பினேன்.
அந்த வகையில்தான், வார்தா புயல் மறு சீரமைப்பு; தெலுங்கு - கங்கை திட்டம் மூலம், சென்னைக்கு ஆந்திராவில் இருந்து தண்ணீர் வரவழைத்தது; ஜல்லிக்கட்டு விவகாரத்தில் மத்திய அரசு வழிகாட்டுதலோடு, அவசர சட்டம் கொண்டு வந்து, தமிழக கலாசார - பண்பாட்டை காப்பாற்றியது உள்ளிட்ட பல விஷயங்களிலும் வேகமாகவும்; விவேகமாகவும் செயல்பட்டு, தமிழகத்துக்கும் ஆட்சிக்கும் பெருமை சேர்த்தேன். அது, சசிகலாவுக்கும்; அவரது குடும்பத்தினருக்கும் பிடிக்கவில்லை.
சிறப்பான ஆட்சி நிர்வாகத்தின் மூலம், முதல்வராக நான் நிலைத்து விடுவேன் என அச்சப்பட்டனர். விளைவு - என்னை முதல்வர் பதவியில் இருந்து எடுத்துவிட வேண்டும் என முடிவெடுத்து, சதி செய்யத் துவங்கினர். அதன் விளைவுதான், என்னை முதல்வர் பதவியில் இருந்து, நிர்ப்பந்தம் கொடுத்து விலக வைத்த நிகழ்வு.
*எம்.எல்.ஏ.,க்கள் கூட்டத்துக்கு முன், போயஸ் தோட்டத்துக்கு வரவழைத்து, உங்களை முதல்வர் பதவியில் இருந்து விலகச் சொல்லி நிர்பந்தப்படுத்தியதாக கூறுகின்றீர்கள். ஆனால், அங்கே, உங்களை சிலர் அடித்து - உதைத்ததாகச் சொல்கின்றனரே?*
நான் முதல்வர் மட்டுமல்ல; கட்சியின் பொருளாளரும் கூட. கிட்டதட்ட பத்தாண்டு காலத்துக்கும் கூடுதலாக அமைச்சராகவும் இருந்தவன். அப்படிப்பட்ட என்னை, போயஸ் தோட்டத்துக்கு வரவழைத்து, அமைச்சர்கள் சிலரும்; சசிகலாவின் குடும்ப உறவினர்கள் சிலரும் சேர்ந்து கொண்டு, என்னை, முதல்வர் பதவியில் இருந்து ராஜினாமா செய்யுமாறு கடுமையாக நிர்ப்பந்தித்தனர். ஆனால், நான் அதற்கு ஒப்புக் கொள்ளவில்லை. நானாக, முதல்வர் பதவியை கேட்கவில்லை. ஜெயலலிதாவின் அபிமானம் பெற்றவர் நீங்கள்தான்; கட்டாயம் முதல்வர் பதவியை ஏற்க வேண்டும் என சொன்னவரே சசிகலாதான். அப்படி இருக்கும்போது, அறுபது நாட்களில், பதவியை ராஜினாமா செய் என நிர்ப்பந்தப்படுத்தினால், அதற்கு என்ன அர்த்தம்?
நான் மனம் உவந்து, என்னுடைய ராஜினாமா கடிதம் அளிக்கவில்லை. வலுக்கட்டாயமாக பெற்றனர். அதுவும், எம்.எல்.ஏ.,க்கள் கூட்டத்துக்கு சென்று, என்னையே, சட்டசபை அ.தி.மு.க., குழு தலைவராக சசிகலாவை தேர்வு செய்ய வேண்டும் என, முன்மொழியவும் வற்புறுத்தினர். காலை பிடித்து கெஞ்சியவர்கள், அவ்வப்போது என்னை மிரட்டியும் பார்த்தனர். அந்த சூழ்நிலையில், கடுமையாக நிர்ப்பந்திக்கப்பட்டதாலேயே, நான், எனது ராஜினாமாவை கவர்னரிடம் சமர்ப்பிக்க வேண்டியதானது.
*முதல்வர் பதவியை ராஜினாமா செய்து விட்டு, கடுமையான மன உளைச்சலில் இருந்த நீங்கள், இரண்டு நாட்கள் அமைதியாக இருந்து விட்டு, சசிகலா முதல்வராக பதவி ஏற்கும் நிகழ்ச்சி கட்டாயம் நடக்கவிருக்கிறது என்று அறிந்ததும், பரபரப்பு கிளப்புவதேன்?*
முதல்வர் பதவியை ராஜினாமா செய்ய வைத்ததற்காக, நான் ஒரு போதும் கவலைப்படவில்லை. பதவிதான் முக்கியம் என நினைத்திருந்தால், உயிரையும் பொருட்படுத்தாமல், சசிகலா குடும்பத்தினரோடு போராடி இருக்க மாட்டேன்.
நிர்பந்தப்படுத்தி ராஜினாமா பெறப்பட்டதால், கடும் மன உளைச்சலில் இருந்த எனக்கு, ஜெயலலிதா ஆன்மா சில உத்தரவுகளை இட்டது போல உணர்ந்துதான், நாட்டு மக்களுக்கு என நிலைப்பாட்டை தெரிவித்தேன். இதில் எந்த பின்னணியும் இல்லை.
*நீங்கள், சசிகலாவை நேரடியாக எதிர்க்கத் துவங்கி உள்ளீர்கள். இதில் வெற்றி கிட்டுமா?*
நியாயத்துக்காக போராடுகின்ற போது, ஒரு சில சேதாரங்கள் ஏற்படத்தான் செய்யும். அதற்காக, பதட்டத்தில் துவண்டால், எதுவும் செய்ய முடியாது. இருந்தாலும், நியாயத்துக்காகவும்; தர்மத்துக்காகவும் போராட்ட களத்துக்கு வந்திருக்கிறேன். கட்டாயம் நியாயமும்; தர்மமும் ஜெயிக்கும்.
*இத்தனையும் மீறி, சசிகலா முதல்வராக பதவி ஏற்றுக் கொள்வாரா?*
இப்போதே அது குறித்து எதுவும் சொல்ல முடியாது. முதல்வராக பதவி ஏற்பதற்கு அவருக்கு எந்த தகுதியும் கிடையாது என்பதை கட்சியின் அனைத்து நிர்வாகிகளும்; தொண்டர்களும் வெளிப்படையாக தெரிவித்த பின்னால், அவர் முதல்வராக பதவி ஏற்பது தார்மீகம் அல்ல. தார்மீகம் குறித்தெல்லாம், அவர்களுக்கு எவ்வித தொடர்பும் கிடையாது.
*உங்களை கட்சியின் பொருளாளர் பதவியில் இருந்து நீக்கி உள்ளனரே?*
நேற்று காலை பத்திரிகையாளர்களை சந்தித்த, அ.தி.மு.க.,வை சேர்ந்த முன்னாள் சபாநாயகரும்; வழக்கறிஞருமான பி.எச்.பாண்டியன் மற்றும் அவரது மகன் மனோஜ் பாண்டியன் ஆகியோர், சசிகலா தரப்பினரை நோக்கி, ஏகப்பட்ட கேள்விகளை கேட்டனர். ஜெயலலிதா மரணத்தில் மர்மம் இருக்கிறது என்றும்; அதை சசிகலா, விளக்குவார் என்றும், எல்லோரும் எதிர்பார்த்தனர். ஆனால், அதை அவர் செய்யவில்லை என்றதும், மர்ம முடிச்சுகள் அவரை நோக்கியிருப்பதையே காட்டுகின்றது. அதெற்கெல்லாம் பதிலளிக்க முடியாதவர்கள், எனக்கு ஏற்பட்ட நிகழ்வுகளைச் சொன்னதும், என்னிடம் இருந்து கட்சிப் பொறுப்பை பறிக்கின்றனர். இதுவும் நாட்டு மக்களை சென்றடையட்டும்.
*நேரடியாகச் சொல்லுங்கள்… உங்கள் எதிர்பார்ப்பு; எண்ணம் தான் என்ன?*
சசிகலாவிடம் இருந்து அ.தி.மு.க.,வையும்; ஆட்சி நிர்வாகத்தில் இருந்து, தமிழகத்தையும் காப்பாற்ற வேண்டும். அதற்காக, நாட்டு மக்களும், தொண்டர்களும் திரள வேண்டும்..
*உங்கள் பின்னணியில் இருந்து இயக்குவது, தி.மு.க., தான் என்று சசிகலா, உங்கள் பின்னணியை கண்டறிந்திருக்கிறாரே?*
தி.மு.க., தமிழகத்தின் பிரதான எதிர்க்கட்சி. அவர்கள், முன் எப்போதும் இல்லாத அளவுக்கு, ஆளும்கட்சியோடு இணக்கமாக இருந்து செயல்படுகிறார்கள். இது தமிழகத்தின் வளர்ச்சிக்கு நல்லது; ஆரோக்கியமானது. அரசியல் நாகரிகம்; பண்பாடெல்லாம் தற்போது காக்கப்பட்டு வருகிறது. உடனே, என்னுடைய செயல்பாடுகள் அனைத்துக்கும் தி.மு.க., தான் காரணம் என்று, மொத்த விஷயத்தையும் அவர்களை நோக்கித் திருப்பி விடும் அளவுக்கு, சசிகலா அரசியலில் தேறிவிட்டார் போல.
என்னை முதல்வர் பதவியை விட்டு விலகச் சொல்லி, நிர்ப்பந்தப்படுத்தியது தி.மு.க., அல்ல, என்பதை இந்த நேரத்தில் கட்டாயம் குறிப்பிட்டாக வேண்டும்.
*இத்தனைக்கும் பின்னும், கவர்னர், சசிகலாவை முதல்வராக பதவி ஏற்க அனுமதிப்பாரா?*
அதெல்லாம் எனக்கு தெரியாது. எனது உள்ளக் குமுறலை, ஜெயலலிதா சமாதி முன்பாக நின்று கொண்டு, நாட்டு மக்களுக்குத் தெரியப்படுத்தி விட்டேன். எனக்கு தெரிந்த வரையில், கவர்னர் தர்மத்தை செய்வார் என்ற நம்பிக்கை உள்ளது.
*எந்த அடிப்படையில், மக்கள் விரும்பினால், ராஜினாமாவை வாபஸ் பெறுவேன் என்று சொன்னீர்கள்?*
மக்களும்; அ.தி.மு.க., தொண்டர்களும் என் பக்கம் இருக்கும்போது, சசிகலா தரப்பு பின் வாங்கினால், நான் மீண்டும் முதல்வராகக்கூடும். அந்த அடிப்படையில்தான் சொன்னேன்.
*தமிழகத்தில் பா.ஜ., ஆட்சியை நிறுவதற்காக, உங்கள் மூலம் பிரதமர் மோடி முயன்றார் என, அ.தி.மு.க., தலைவர்கள் சிலர் கூறுகின்றனரே?*
என்ன வேண்டுமானாலும் சொல்லலாம் என்று துணிந்த பின், இதையும் சொல்லலாம்தான். கற்பனை வளத்துக்காக, இப்படியெல்லாம் சொல்பவர்களுக்கு நிறைய பரிசளிக்கலாம்.
இவ்வாறு, பன்னீர்செல்வம் பேட்டியளித்தார்.
*இது குறித்து தினமலர் இணையதளத்திற்கு அவர் அளித்த சிறப்புப் பேட்டி:*
*ஜெயலலிதா சிகிச்சையில் இருக்கும்போதே, நீங்கள்தான் கட்சியையும்; ஆட்சியையும் காப்பாற்ற வேண்டும் என்று, சசிகலா தரப்புத்தான் உங்களை கேட்டுக் கொண்டது என்று சொல்கிறீர்கள். பிறகெதெற்கு உங்களுக்கு எதிராக அவர்கள் செயல்பட வேண்டும்?*
இதில் தான் மிகப் பெரிய சதி உள்ளது என, நான் குற்றம்சாட்டுகிறேன். முதல்வர் பதவி அல்ல; எந்தப் பதவிக்கும் ஆசைப்படுகிறவன் நானல்ல. கொடுக்கும் பொறுப்பை மிகச் சிறப்பாக செய்து கொடுக்க வேண்டும் என்ற திடமான நம்பிக்கையும்; மன உறுதியும் உள்ளவன். அந்த வகையில், முதல்வராக இருந்த ஜெயலலிதா இட்டப் பணிகளையெல்லாம் நான் மிகச் சிறப்பாக செய்து முடித்திருப்பது, அவருக்கு நன்கு தெரியும். அந்த வகையில், நான் எப்படி செயல்படுவேன் என்பது சசிகலாவுக்கும்; அவரது குடும்ப உறுப்பினர்களுக்கும் நன்கு தெரியும்.
அதனால்தான், ஜெயலலிதா இறந்து போவார் என்று தெரிந்து கொண்ட சூழலில், என்னை முதல்வராக ஆக்க வேண்டும் என்றும், கட்சியின் அவைத் தலைவர் மதுசூதனனை, பொதுச் செயலர் ஆக்க வேண்டும் என்றும் விருப்பபப்பட்டு என்னிடம் தெரிவித்தனர். மதுசூதனனை, கட்சியின் பொதுச் செயலர் ஆக்குவதற்கு நான் விரும்பவில்லை. அதை அவர்களிடம் தெரிவித்தேன். அதன்பின், அவர்களும் அதை செய்யவில்லை; வலியுறுத்தவில்லை.
என்னை நிர்பந்தப்படுத்தித்தான், ஜெயலலிதா இறந்த பின், என்னை முதல்வர் ஆக்கினர். நான் முதல்வர் பதவி ஏற்றதும், தமிழகத்தில், ஜெயலலிதாவால் ஏற்பட்ட ஆட்சி மூலம், சிறப்பான நிர்வாகத்தை அளிப்பதன் மூலம், இறந்து போனாலும், அவரது ஆன்மா சிறப்படையும்; மக்கள் மத்தியில் ஜெயலலிதா புகழ் ஓங்கி நிற்கும் என நினைத்தேன். அதற்காக, முடிந்த மட்டும் மிகச் சிறப்பான ஆட்சியை தமிழகத்திற்கு அளிக்க வேண்டும் என்று விரும்பினேன்.
அந்த வகையில்தான், வார்தா புயல் மறு சீரமைப்பு; தெலுங்கு - கங்கை திட்டம் மூலம், சென்னைக்கு ஆந்திராவில் இருந்து தண்ணீர் வரவழைத்தது; ஜல்லிக்கட்டு விவகாரத்தில் மத்திய அரசு வழிகாட்டுதலோடு, அவசர சட்டம் கொண்டு வந்து, தமிழக கலாசார - பண்பாட்டை காப்பாற்றியது உள்ளிட்ட பல விஷயங்களிலும் வேகமாகவும்; விவேகமாகவும் செயல்பட்டு, தமிழகத்துக்கும் ஆட்சிக்கும் பெருமை சேர்த்தேன். அது, சசிகலாவுக்கும்; அவரது குடும்பத்தினருக்கும் பிடிக்கவில்லை.
சிறப்பான ஆட்சி நிர்வாகத்தின் மூலம், முதல்வராக நான் நிலைத்து விடுவேன் என அச்சப்பட்டனர். விளைவு - என்னை முதல்வர் பதவியில் இருந்து எடுத்துவிட வேண்டும் என முடிவெடுத்து, சதி செய்யத் துவங்கினர். அதன் விளைவுதான், என்னை முதல்வர் பதவியில் இருந்து, நிர்ப்பந்தம் கொடுத்து விலக வைத்த நிகழ்வு.
*எம்.எல்.ஏ.,க்கள் கூட்டத்துக்கு முன், போயஸ் தோட்டத்துக்கு வரவழைத்து, உங்களை முதல்வர் பதவியில் இருந்து விலகச் சொல்லி நிர்பந்தப்படுத்தியதாக கூறுகின்றீர்கள். ஆனால், அங்கே, உங்களை சிலர் அடித்து - உதைத்ததாகச் சொல்கின்றனரே?*
நான் முதல்வர் மட்டுமல்ல; கட்சியின் பொருளாளரும் கூட. கிட்டதட்ட பத்தாண்டு காலத்துக்கும் கூடுதலாக அமைச்சராகவும் இருந்தவன். அப்படிப்பட்ட என்னை, போயஸ் தோட்டத்துக்கு வரவழைத்து, அமைச்சர்கள் சிலரும்; சசிகலாவின் குடும்ப உறவினர்கள் சிலரும் சேர்ந்து கொண்டு, என்னை, முதல்வர் பதவியில் இருந்து ராஜினாமா செய்யுமாறு கடுமையாக நிர்ப்பந்தித்தனர். ஆனால், நான் அதற்கு ஒப்புக் கொள்ளவில்லை. நானாக, முதல்வர் பதவியை கேட்கவில்லை. ஜெயலலிதாவின் அபிமானம் பெற்றவர் நீங்கள்தான்; கட்டாயம் முதல்வர் பதவியை ஏற்க வேண்டும் என சொன்னவரே சசிகலாதான். அப்படி இருக்கும்போது, அறுபது நாட்களில், பதவியை ராஜினாமா செய் என நிர்ப்பந்தப்படுத்தினால், அதற்கு என்ன அர்த்தம்?
நான் மனம் உவந்து, என்னுடைய ராஜினாமா கடிதம் அளிக்கவில்லை. வலுக்கட்டாயமாக பெற்றனர். அதுவும், எம்.எல்.ஏ.,க்கள் கூட்டத்துக்கு சென்று, என்னையே, சட்டசபை அ.தி.மு.க., குழு தலைவராக சசிகலாவை தேர்வு செய்ய வேண்டும் என, முன்மொழியவும் வற்புறுத்தினர். காலை பிடித்து கெஞ்சியவர்கள், அவ்வப்போது என்னை மிரட்டியும் பார்த்தனர். அந்த சூழ்நிலையில், கடுமையாக நிர்ப்பந்திக்கப்பட்டதாலேயே, நான், எனது ராஜினாமாவை கவர்னரிடம் சமர்ப்பிக்க வேண்டியதானது.
*முதல்வர் பதவியை ராஜினாமா செய்து விட்டு, கடுமையான மன உளைச்சலில் இருந்த நீங்கள், இரண்டு நாட்கள் அமைதியாக இருந்து விட்டு, சசிகலா முதல்வராக பதவி ஏற்கும் நிகழ்ச்சி கட்டாயம் நடக்கவிருக்கிறது என்று அறிந்ததும், பரபரப்பு கிளப்புவதேன்?*
முதல்வர் பதவியை ராஜினாமா செய்ய வைத்ததற்காக, நான் ஒரு போதும் கவலைப்படவில்லை. பதவிதான் முக்கியம் என நினைத்திருந்தால், உயிரையும் பொருட்படுத்தாமல், சசிகலா குடும்பத்தினரோடு போராடி இருக்க மாட்டேன்.
நிர்பந்தப்படுத்தி ராஜினாமா பெறப்பட்டதால், கடும் மன உளைச்சலில் இருந்த எனக்கு, ஜெயலலிதா ஆன்மா சில உத்தரவுகளை இட்டது போல உணர்ந்துதான், நாட்டு மக்களுக்கு என நிலைப்பாட்டை தெரிவித்தேன். இதில் எந்த பின்னணியும் இல்லை.
*நீங்கள், சசிகலாவை நேரடியாக எதிர்க்கத் துவங்கி உள்ளீர்கள். இதில் வெற்றி கிட்டுமா?*
நியாயத்துக்காக போராடுகின்ற போது, ஒரு சில சேதாரங்கள் ஏற்படத்தான் செய்யும். அதற்காக, பதட்டத்தில் துவண்டால், எதுவும் செய்ய முடியாது. இருந்தாலும், நியாயத்துக்காகவும்; தர்மத்துக்காகவும் போராட்ட களத்துக்கு வந்திருக்கிறேன். கட்டாயம் நியாயமும்; தர்மமும் ஜெயிக்கும்.
*இத்தனையும் மீறி, சசிகலா முதல்வராக பதவி ஏற்றுக் கொள்வாரா?*
இப்போதே அது குறித்து எதுவும் சொல்ல முடியாது. முதல்வராக பதவி ஏற்பதற்கு அவருக்கு எந்த தகுதியும் கிடையாது என்பதை கட்சியின் அனைத்து நிர்வாகிகளும்; தொண்டர்களும் வெளிப்படையாக தெரிவித்த பின்னால், அவர் முதல்வராக பதவி ஏற்பது தார்மீகம் அல்ல. தார்மீகம் குறித்தெல்லாம், அவர்களுக்கு எவ்வித தொடர்பும் கிடையாது.
*உங்களை கட்சியின் பொருளாளர் பதவியில் இருந்து நீக்கி உள்ளனரே?*
நேற்று காலை பத்திரிகையாளர்களை சந்தித்த, அ.தி.மு.க.,வை சேர்ந்த முன்னாள் சபாநாயகரும்; வழக்கறிஞருமான பி.எச்.பாண்டியன் மற்றும் அவரது மகன் மனோஜ் பாண்டியன் ஆகியோர், சசிகலா தரப்பினரை நோக்கி, ஏகப்பட்ட கேள்விகளை கேட்டனர். ஜெயலலிதா மரணத்தில் மர்மம் இருக்கிறது என்றும்; அதை சசிகலா, விளக்குவார் என்றும், எல்லோரும் எதிர்பார்த்தனர். ஆனால், அதை அவர் செய்யவில்லை என்றதும், மர்ம முடிச்சுகள் அவரை நோக்கியிருப்பதையே காட்டுகின்றது. அதெற்கெல்லாம் பதிலளிக்க முடியாதவர்கள், எனக்கு ஏற்பட்ட நிகழ்வுகளைச் சொன்னதும், என்னிடம் இருந்து கட்சிப் பொறுப்பை பறிக்கின்றனர். இதுவும் நாட்டு மக்களை சென்றடையட்டும்.
*நேரடியாகச் சொல்லுங்கள்… உங்கள் எதிர்பார்ப்பு; எண்ணம் தான் என்ன?*
சசிகலாவிடம் இருந்து அ.தி.மு.க.,வையும்; ஆட்சி நிர்வாகத்தில் இருந்து, தமிழகத்தையும் காப்பாற்ற வேண்டும். அதற்காக, நாட்டு மக்களும், தொண்டர்களும் திரள வேண்டும்..
*உங்கள் பின்னணியில் இருந்து இயக்குவது, தி.மு.க., தான் என்று சசிகலா, உங்கள் பின்னணியை கண்டறிந்திருக்கிறாரே?*
தி.மு.க., தமிழகத்தின் பிரதான எதிர்க்கட்சி. அவர்கள், முன் எப்போதும் இல்லாத அளவுக்கு, ஆளும்கட்சியோடு இணக்கமாக இருந்து செயல்படுகிறார்கள். இது தமிழகத்தின் வளர்ச்சிக்கு நல்லது; ஆரோக்கியமானது. அரசியல் நாகரிகம்; பண்பாடெல்லாம் தற்போது காக்கப்பட்டு வருகிறது. உடனே, என்னுடைய செயல்பாடுகள் அனைத்துக்கும் தி.மு.க., தான் காரணம் என்று, மொத்த விஷயத்தையும் அவர்களை நோக்கித் திருப்பி விடும் அளவுக்கு, சசிகலா அரசியலில் தேறிவிட்டார் போல.
என்னை முதல்வர் பதவியை விட்டு விலகச் சொல்லி, நிர்ப்பந்தப்படுத்தியது தி.மு.க., அல்ல, என்பதை இந்த நேரத்தில் கட்டாயம் குறிப்பிட்டாக வேண்டும்.
*இத்தனைக்கும் பின்னும், கவர்னர், சசிகலாவை முதல்வராக பதவி ஏற்க அனுமதிப்பாரா?*
அதெல்லாம் எனக்கு தெரியாது. எனது உள்ளக் குமுறலை, ஜெயலலிதா சமாதி முன்பாக நின்று கொண்டு, நாட்டு மக்களுக்குத் தெரியப்படுத்தி விட்டேன். எனக்கு தெரிந்த வரையில், கவர்னர் தர்மத்தை செய்வார் என்ற நம்பிக்கை உள்ளது.
*எந்த அடிப்படையில், மக்கள் விரும்பினால், ராஜினாமாவை வாபஸ் பெறுவேன் என்று சொன்னீர்கள்?*
மக்களும்; அ.தி.மு.க., தொண்டர்களும் என் பக்கம் இருக்கும்போது, சசிகலா தரப்பு பின் வாங்கினால், நான் மீண்டும் முதல்வராகக்கூடும். அந்த அடிப்படையில்தான் சொன்னேன்.
*தமிழகத்தில் பா.ஜ., ஆட்சியை நிறுவதற்காக, உங்கள் மூலம் பிரதமர் மோடி முயன்றார் என, அ.தி.மு.க., தலைவர்கள் சிலர் கூறுகின்றனரே?*
என்ன வேண்டுமானாலும் சொல்லலாம் என்று துணிந்த பின், இதையும் சொல்லலாம்தான். கற்பனை வளத்துக்காக, இப்படியெல்லாம் சொல்பவர்களுக்கு நிறைய பரிசளிக்கலாம்.
இவ்வாறு, பன்னீர்செல்வம் பேட்டியளித்தார்.
