மத்திய அரசு தலையிடாது : ராஜ்நாத் சிங் !!

தமிழக அரசியல் நிலவரத்தில் மத்திய அரசு தலையிடாது என்று, மத்திய உள்துறை அமைச்சர் ராஜ்நாத் சிங் கருத்து தெரிவித்துள்ளார்.

மத்திய உள்துறை அமைச்சர் ராஜ்நாத் சிங் இன்று டெல்லியில் செய்தியாளர்களிடம் பேசுகையில்,
தமிழக அரசியல் சூழலுக்கு அதிமுக-தான் காரணம். இது அவர்களது உட்கட்சி விவகாரம். இதில் மத்திய அரசு தலையிட முடியாது என திட்டவட்டமாகக் கூறினார்.

முன்னதாக, தமிழக அரசியல் நிலவரம் குறித்து கருத்துத் தெரிவித்த பாஜக மூத்த தலைவர் சுப்பிரமணியன் சுவாமி, ‘சசிகலா கண்டிப்பாக முதல்வராக பதவியேற்க வேண்டும். அவ்வாறு நடக்காமல் தாமதமானால், அது அரசியலமைப்புக்கு எதிரான வன்முறை. இந்தப் பிரச்னையில் பிரதமர் தலையிட வேண்டும்’ என்று தெரிவித்தார்.