வேலூர் மாவட்டத்தில் விவசாயிகளின் பிரச்சினைகளுக்கு உடனுக்குடன் தீர்வு காணும் வகையில் விவசாயிகளுக்கென தனியாக வாட்ஸ் அப் குழுவை அம்மாவட்ட ஆட்சியர் தொடங்கியுள்ளார்.
வேலூர் மாவட்டத்தில் மாதந்தோறும் நடைபெறும் விவசாயிகள் குறைதீர்ப்பு கூட்டம் நேற்று(ஜூன் 23) மாவட்ட ஆட்சியர் எஸ்.ஏ.ராமன் தலைமையில் நடைபெற்றது. அப்போது, விவசாயிகளின் குறைகளை தெரிவிக்கவும், அதற்கு உடனடியாகத் தீர்வு காணும் வகையில் வேலூர் FARMERS GROUP என்ற வாட்ஸ் அப் குழுவை ஆட்சியர் தொடங்கிவைத்தார். அதில், மாவட்டம் முழுவதுமுள்ள விவசாயிகள் இணைக்கப்படுவார்கள். அவர்களின் தேவை, சந்தேகங்கள் மற்றும் குறைகளை கேட்டறிந்து,அதற்கு தீர்வு காண்பதற்கான நடவடிக்கைகளை மேற்கொள்வோம். இந்த குழுவில், தோட்டக்கலைத் துறை,விவசாயத் துறை, கால்நடைத் துறை என அனைத்துத் துறை அதிகாரிகளும் இணைக்கப்படுவார்கள்.
இதில், வானிலை குறித்த தகவலும் தெரிவிக்கப்படும். இதனால், விவசாயிகள் அதி்காரிகளை தேடி செல்ல வேண்டாம். அவர்களுக்கு அலைச்சல் குறைவது மட்டுமில்லாமல், குறைகளை நேரடியாகக் ஆட்சியரிடமே தெரிவிப்பதால், தீர்வு கிடைக்கும் என விவசாயிகள் நம்புகின்றனர்.
இந்த வாட்ஸ் அப் குழு விவசாயிகள் மத்தியில் பெரிய வரவேற்பைப் பெற்றுள்ளது.
