காஞ்சிபுரம்: காஞ்சிபுரம் கலெக்டர் பொன்னையா வெளியிட்டுள்ள செய்தி குறிப்பு: தமிழ்நாடு பால் உற்பத்தியாளர்கள் கூட்டுறவு இணையம் (ஆவின்) நிறுவனத்தில் காலியாகவுள்ள 275 சீனியர் பேக்டரி அசிஸ்டெண்ட் பணியிடங்களுக்கு இணையதளம் வாயிலாக விண்ணப்பங்கள் வரவேற்கப்படுகின்றன. இப்பணியிடத்திற்கான கல்வி தகுதி பிளஸ் 2 தேர்ச்சி அல்லது ஐடிஐ தேர்ச்சி. சீனியர் பேக்டரி அசிஸ்டெண்ட் பணி காலியிடத்திற்கு உரிய கல்வித்தகுதி, வயது வரம்பு, இனசுழிற்சி, மொத்த பணி காலியிடம் மற்றும் தேர்வு செய்யும் முறை ஆகியவை குறித்த விவரம் www.omcaavinsfarecruitment.com என்ற வலைதளத்தில் வெளியிடப்பட்டுள்ளது. தகுதியும், விருப்பமும் உள்ள மனுதாரர்கள் மேலே தெரிவிக்கப்பட்டுள்ள வலைதளம் வாயிலாக ஜூலை 16ம் தேதிவரை தங்களுடைய விண்ணப்பங்களை பதிவு செய்து கொள்ளலாம். இவ்வாறு கூறப்பட்டுள்ளது.
