பொதுப்பள்ளி முறைக்காக யாரும் வாய் திறக்கமாட்டீர்களா?

கோத்தாரிக் கல்விக்குழு(1966) - ஏழைக் குழந்தைகளுக்கு ஒரு கல்வியும் பணக்காரக் குழந்தைகளுக்கு ஒரு கல்வியும் கிடைக்கச் செய்யும் இன்றைய கல்வி அமைப்பை ஜனநாயக விரோதமான கல்வி அமைப்பு என்றும், இந்த ஏற்றத்தாழ்வான கல்வி அமைப்பை எவ்வளவு விரைவாக மாற்ற முயற்சிக்கிறோமோ அந்த அளவிற்கு நாட்டிற்கு நல்லது என்றும் குறிப்பிட்டுள்ளது. ஆனால் கல்வி வணிக எதிர்ப்பு மற்றும் அருகமைப்பள்ளி அமைப்பில் பொதுப்பள்ளி முறையிலான தாய் மொழி வழிக் கல்வி என்ற கொள்கை எந்த அரசியல் கட்சியின் தேர்தல் அறிக்கையிலும் இதுவரை இடம்பெறவில்லை. இடதுசாரிக்கட்சிகளும் எளிய மக்கள் கட்சியும்(ஆம் ஆத்மி கட்சி) தங்களின் தேர்தல் அறிக்கையிலும் நாட்டின் எதிகாலக் கல்விக் கொள்கையாகவும் பொதுப்பள்ளி முறையினை அறிவிக்க முயற்சி எடுக்கவேண்டும். குறிப்பாக ஆசிரியர் இயக்கங்கள் இதற்காக குரல் கொடுக்கவேண்டும்.