தமிழக முதல்வராக சசிகலா பதவிக்கென கடும் முயற்சி மேற்கொண்டுள்ள சூழலில், தனக்கு 'அரசியல், பதவி ஆசை இல்லை' எனக் குறிப்பிட்டு, முன்னாள் முதல்வர் ஜெயலலிதாவுக்கு சசிகலா எழுதிய பழைய மன்னிப்புக் கடிதத்தை வெளியிட்டார் ஓ.பன்னீர்செல்வம்.
சென்னை, கிரீம்ஸ் சாலையில் உள்ள தன் இல்லத்தில் செய்தியாளர்களை இன்று சந்தித்தார் முதல்வர் ஓ.பன்னீர்செல்வம். நேற்று ஜெயலலிதா நினைவிடத்தில் அவர் மேற்கொண்ட தியானமும் அதைத் தொடர்ந்து சசிகலாவுக்கு எதிராக அவர் அளித்த பேட்டியும் தமிழக அரசியலில் பெரும் பரபரப்பை ஏற்படுத்தியுள்ளது.
இன்று நடைபெற்ற செய்தியாளர் சந்திப்புக்குமுன்னர், சசிகலா தனக்கு பதவி ஆசை இல்லை என்று ஜெயலலிதாவுக்கு எழுதிய மன்னிப்புக் கடிதத்தை வெளியிட்டார். அந்தக் கடிதத்தில், "அரசியலில் ஈடுபட வேண்டும் என்றோ, கட்சியில் பெரிய பொறுப்பு வகிக்க வேண்டும் என்றோ, சட்டமன்ற, நாடாளுமன்ற உறுப்பினர் ஆக வேண்டும் என்றோ, அமைச்சர் பதவியை அடைய வேண்டும் என்றோ, ஆட்சியில் பங்கேற்க வேண்டும் என்றோ எனக்குத் துளியும் ஆசையில்லை. பொதுவாழ்வில் பங்குபெற வேண்டும் என்ற விருப்பமே எனக்கில்லை. அக்காவுக்கு உண்மையான தங்கையாக இருக்கவே விரும்புகிறேன்" என, சசிகலா எழுதியிருந்த வரிகள் மேற்கோள் காட்டப்பட்டன.
சென்னை, கிரீம்ஸ் சாலையில் உள்ள தன் இல்லத்தில் செய்தியாளர்களை இன்று சந்தித்தார் முதல்வர் ஓ.பன்னீர்செல்வம். நேற்று ஜெயலலிதா நினைவிடத்தில் அவர் மேற்கொண்ட தியானமும் அதைத் தொடர்ந்து சசிகலாவுக்கு எதிராக அவர் அளித்த பேட்டியும் தமிழக அரசியலில் பெரும் பரபரப்பை ஏற்படுத்தியுள்ளது.
இன்று நடைபெற்ற செய்தியாளர் சந்திப்புக்குமுன்னர், சசிகலா தனக்கு பதவி ஆசை இல்லை என்று ஜெயலலிதாவுக்கு எழுதிய மன்னிப்புக் கடிதத்தை வெளியிட்டார். அந்தக் கடிதத்தில், "அரசியலில் ஈடுபட வேண்டும் என்றோ, கட்சியில் பெரிய பொறுப்பு வகிக்க வேண்டும் என்றோ, சட்டமன்ற, நாடாளுமன்ற உறுப்பினர் ஆக வேண்டும் என்றோ, அமைச்சர் பதவியை அடைய வேண்டும் என்றோ, ஆட்சியில் பங்கேற்க வேண்டும் என்றோ எனக்குத் துளியும் ஆசையில்லை. பொதுவாழ்வில் பங்குபெற வேண்டும் என்ற விருப்பமே எனக்கில்லை. அக்காவுக்கு உண்மையான தங்கையாக இருக்கவே விரும்புகிறேன்" என, சசிகலா எழுதியிருந்த வரிகள் மேற்கோள் காட்டப்பட்டன.
