தமிழக அரசின் முறையான அனுமதி பெறாமல், மத்திய அரசுப் பணிக்குச் சென்ற மூத்த ஐ.பி.எஸ். அதிகாரி அர்ச்சனா ராமசுந்தரத்துக்கு ஆதரவாக தீர்ப்பு வழங்கப்பட்டுள்ளது.
கடந்த 1980ஆம் ஆண்டு அர்ச்சனா ராமசுந்தரம் ஐ.பி.எஸ். அதிகாரியாக தேர்வு செய்யப்பட்டவர். தமிழக காவல்துறையில் பல பதவிகளில்
பணியாற்றிய இவர், பதவி உயர்வு பெற்று கூடுதல் டி.ஜி.பி. ஆனார். இதைத் தொடர்ந்து, 1999ஆம் ஆண்டு முதல் 2006ஆம் ஆண்டு வரை சி.பி.ஐ. இணை இயக்குநராக பணியாற்றி வந்தார். இப்பதவியில் அமர்ந்த முதல் பெண் என்ற சிறப்பையும் பெற்ற இவர், சீருடைப் பணியாளர் தேர்வு வாரியத்தின் தலைமை இயக்குநராக பதவி வகித்துக் கொண்டிருந்த நிலையில், கடந்த 2013ஆம் ஆண்டு மத்திய அரசுப் பணிக்காக, இவரின் பெயரை தமிழக அரசு பரிந்துரை செய்து அனுப்பியது. இதையடுத்து, கடந்த ஆண்டு பிப்ரவரி மாதம் 7ஆம் தேதி அர்ச்சனா ராமசுந்தரத்தை சி.பி.ஐ. கூடுதல் இயக்குனராக மத்திய அரசு நியமித்தது.
தமிழக அரசுப் பணியிலிருந்து முறையாக விலகாமல், அர்ச்சனா மத்திய அரசுப் பணியில் சேர்ந்தார். முறைப்படி தமிழக அரசின் அனுமதி பெறாமல், மத்திய அரசின் பணியில் சேர்ந்ததைக் கண்டித்து, அவரை தமிழக அரசு பணியிடை நீக்கம் செய்தது. இதைத் தொடர்ந்து, அவர் பல்வேறு சட்டச் சிக்கல்களையும் பிரச்னைகளையும் சந்தித்தார். மேலும் ஓராண்டுக்கு எந்தவிதப் பணியும் அவருக்கு வழங்கக் கூடாது என்று உச்சநீதிமன்றம் உத்தரவிட்டது.
இதைத் தொடர்ந்து, தமிழக அரசின் உத்தரவை எதிர்த்து, இவர் தொடுத்த வழக்கை டெல்லி உயர்நீதிமன்றம் தள்ளுபடி செய்தது. பின்னர், மத்திய நிர்வாக தீர்ப்பாயத்தில் அர்ச்சனா ராமசுந்தரம் வழக்கு தொடர்ந்தார். இந்த வழக்கு நிலுவையில் இருந்தபோது, இவரை தேசிய குற்ற ஆவணக் காப்பகத்தின் இயக்குனராக மத்திய அரசு நியமித்தது.
இதைத் தொடர்ந்து, இவர் எல்லை பாதுகாப்பு ஆயுதப்படைப் பிரிவின் இயக்குநராக நியமிக்கப்பட்டார். பின் நேபாளம், பூடான் எல்லை பாதுகாப்புப் பிரிவின் முதல் பெண் இயக்குனர் ஜெனரலாக நியமிக்கப்பட்டார்.
மூத்த ஐ.பி.எஸ். தொடர்ந்த வழக்கில், மாநில அரசின் கட்டுப்பாட்டின்கீழ் பணியாற்றும் அகில இந்திய பணியில் இருக்கும் அதிகாரிகள் ஒழுங்கீனமாகவோ, முறைகேடாகவோ செயல்பட்டால், அவர் மீது சம்பந்தப்பட்ட மாநில அரசு நடவடிக்கை எடுக்க முடியும். ஆனால் மனுதாரர் மத்திய அரசு உத்தரவின்படி செயல்பட்டுள்ளதால், அவரது செயல் ஒழுங்கீனமானது என்று கூற முடியாது என்று அர்ச்சனா ராமசுந்தரத்துக்கு ஆதரவாக தீர்ப்பு வழங்கப்பட்டுள்ளது. மேலும் ஒரு மாதத்துக்குள் அவரது நியமனத்தை செயல்படுத்த வேண்டிய நடவடிக்கையை எடுக்கும்படி மாநில அரசுக்கு உத்தரவிடப்பட்டுள்ளது.
கடந்த 1980ஆம் ஆண்டு அர்ச்சனா ராமசுந்தரம் ஐ.பி.எஸ். அதிகாரியாக தேர்வு செய்யப்பட்டவர். தமிழக காவல்துறையில் பல பதவிகளில்
பணியாற்றிய இவர், பதவி உயர்வு பெற்று கூடுதல் டி.ஜி.பி. ஆனார். இதைத் தொடர்ந்து, 1999ஆம் ஆண்டு முதல் 2006ஆம் ஆண்டு வரை சி.பி.ஐ. இணை இயக்குநராக பணியாற்றி வந்தார். இப்பதவியில் அமர்ந்த முதல் பெண் என்ற சிறப்பையும் பெற்ற இவர், சீருடைப் பணியாளர் தேர்வு வாரியத்தின் தலைமை இயக்குநராக பதவி வகித்துக் கொண்டிருந்த நிலையில், கடந்த 2013ஆம் ஆண்டு மத்திய அரசுப் பணிக்காக, இவரின் பெயரை தமிழக அரசு பரிந்துரை செய்து அனுப்பியது. இதையடுத்து, கடந்த ஆண்டு பிப்ரவரி மாதம் 7ஆம் தேதி அர்ச்சனா ராமசுந்தரத்தை சி.பி.ஐ. கூடுதல் இயக்குனராக மத்திய அரசு நியமித்தது.
தமிழக அரசுப் பணியிலிருந்து முறையாக விலகாமல், அர்ச்சனா மத்திய அரசுப் பணியில் சேர்ந்தார். முறைப்படி தமிழக அரசின் அனுமதி பெறாமல், மத்திய அரசின் பணியில் சேர்ந்ததைக் கண்டித்து, அவரை தமிழக அரசு பணியிடை நீக்கம் செய்தது. இதைத் தொடர்ந்து, அவர் பல்வேறு சட்டச் சிக்கல்களையும் பிரச்னைகளையும் சந்தித்தார். மேலும் ஓராண்டுக்கு எந்தவிதப் பணியும் அவருக்கு வழங்கக் கூடாது என்று உச்சநீதிமன்றம் உத்தரவிட்டது.
இதைத் தொடர்ந்து, தமிழக அரசின் உத்தரவை எதிர்த்து, இவர் தொடுத்த வழக்கை டெல்லி உயர்நீதிமன்றம் தள்ளுபடி செய்தது. பின்னர், மத்திய நிர்வாக தீர்ப்பாயத்தில் அர்ச்சனா ராமசுந்தரம் வழக்கு தொடர்ந்தார். இந்த வழக்கு நிலுவையில் இருந்தபோது, இவரை தேசிய குற்ற ஆவணக் காப்பகத்தின் இயக்குனராக மத்திய அரசு நியமித்தது.
இதைத் தொடர்ந்து, இவர் எல்லை பாதுகாப்பு ஆயுதப்படைப் பிரிவின் இயக்குநராக நியமிக்கப்பட்டார். பின் நேபாளம், பூடான் எல்லை பாதுகாப்புப் பிரிவின் முதல் பெண் இயக்குனர் ஜெனரலாக நியமிக்கப்பட்டார்.
மூத்த ஐ.பி.எஸ். தொடர்ந்த வழக்கில், மாநில அரசின் கட்டுப்பாட்டின்கீழ் பணியாற்றும் அகில இந்திய பணியில் இருக்கும் அதிகாரிகள் ஒழுங்கீனமாகவோ, முறைகேடாகவோ செயல்பட்டால், அவர் மீது சம்பந்தப்பட்ட மாநில அரசு நடவடிக்கை எடுக்க முடியும். ஆனால் மனுதாரர் மத்திய அரசு உத்தரவின்படி செயல்பட்டுள்ளதால், அவரது செயல் ஒழுங்கீனமானது என்று கூற முடியாது என்று அர்ச்சனா ராமசுந்தரத்துக்கு ஆதரவாக தீர்ப்பு வழங்கப்பட்டுள்ளது. மேலும் ஒரு மாதத்துக்குள் அவரது நியமனத்தை செயல்படுத்த வேண்டிய நடவடிக்கையை எடுக்கும்படி மாநில அரசுக்கு உத்தரவிடப்பட்டுள்ளது.
