சென்னை: துாய்மை இந்தியாபட்டியலில், சென்னை மாநகராட்சி, 100வது இடம் பிடித்து முன்னேறி உள்ளது.
நாட்டு மக்களின் ஆரோக்கிய வாழ்வை மேம்படுத்தும் நோக்கில், துாய்மைக்கான நகரங்கள் மற்றும் கிராமங்களை ஊக்குவிக்க, 'துாய்மை இந்தியா' திட்டத்தை, பிரதமர் நரேந்திர மோடி செயல்படுத்தி வருகிறார். துாய்மைக்கான நடவடிக்கையை எடுத்து வரும் இந்திய நகரங்கள் குறித்து, இந்திய தர கவுன்சில் ஆய்வு நடத்தி, துாய்மை நகர பட்டியலை, ஆண்டுதோறும் வெளியிட்டு வருகிறது.இந்த ஆண்டுக்கான, துாய்மை இந்தியா பட்டியலை, மத்திய நகர்புற மேம்பாட்டு திட்ட அமைச்சகம், நேற்று வெளியிட்டது. இதில், கடந்தாண்டு, 235வது இடத்திலிருந்த சென்னை மாநகராட்சி, தற்போது, 100வது இடத்தை பிடித்துள்ளது.மேலும் திருச்சி, 13வது இடத்தையும், கோவை, 16வது இடத்தையும், ஈரோடு, 51வது இடத்தையும் பிடித்துள்ளது குறிப்பிடத்தக்கது.
