கடற்படையின் ஐ.என்.எஸ்., ஐராவத் கப்பல், ஆந்திர மாநிலம், விசாகப்பட்டினத்தில் இருந்து, நேற்று முன்தினம் மதியம் புறப்பட்டது. அது, சென்னைக்கு, நேற்று காலை வரும் என அறிவிக்கப்பட்டது. ஆனால், வங்கக் கடலின் மோசமான வானிலை காரணமாக அதன் வேகம் தடைபட்டது. அதனால், பிற்பகல், 3:00 மணிக்கு வரும் என அறிவிப்பு வெளியானது; அப்போதும் சென்னயை நெருங்க முடியவில்லை.
அதன்பின், இரவு, 7:30 மணிக்கு சென்னை கடற்படை தளத்துக்குள் நுழைந்தது. அதில், ஐந்து நவீன படகுகள், 20 நீச்சல் வீரர்கள் வந்துள்ளனர். இதுதவிர, மும்பை மற்றும் விசாகப்பட்டினத்தில் இருந்து கூடுதல் படகுகள் மற்றும் வீரர்களுடன், இரண்டு கப்பல்கள், இன்று சென்னை வருவதாக, கடலோர காவல்படை அறிவித்துள்ளது.
